யோகவாஸிஷ்டம் என்ற மஹாராமாயணம் 308

தினமொரு சுலோகம்

நாள் 308

ஜீவன்முக்திக்கு வழி

तिर्यग्योनिष्वपि सदा विध्यन्ते कृतबुद्धय:

देवयोनिष्वपि प्रज्ञा विध्यन्ते मूर्घबुद्धय: (५/७५/३२)

सर्वं सर्वेण सर्वत्र सर्व्वदा सर्व्वदैव हि

संभवत्येव सर्वात्मन्यात्मन्याततरूपिणि (५/७५/३३)

திர்யக்³யோனிஷ்வபி ஸதா³ வித்⁴யந்தே க்ருʼதபு³த்³த⁴ய:

தே³வயோனிஷ்வபி ப்ரஜ்ஞா வித்⁴யந்தே மூர்க⁴பு³த்³த⁴ய: (5/75/32

ஸர்வம்ʼ ஸர்வேண ஸர்வத்ர ஸர்வ்வதா³ ஸர்வ்வதை³வ ஹி

ஸம்ப⁴வத்யேவ ஸர்வாத்மன்யாத்மன்யாததரூபிணி (5/75/33)

tiryagyōniṣvapi sadā vidhyantē kr̥tabuddhaya:

dēvayōniṣvapi prajñā vidhyantē mūrghabuddhaya: (5/75/32)

sarvaṁ sarvēṇa sarvatra sarvvadā sarvvadaiva hi

saṁbhavatyēva sarvātmanyātmanyātatarūpiṇi (5/75/33) 

வஸிஷ்டர் தொடர்ந்து சொன்னார்:” இராமா, இப்படிப்பட்ட ஜீவன் முக்தர்களாயிருக்கின்ற  நிறைய மகான்களும் ரிஷிகளும் இந்த உலகில் இருக்கிறார்கள்.நான் சில உதாரணங்களை கூறுகிறேன். கவனமாக கேள்.

சக்கரவர்த்தி ஜனகன், உன் பாட்டனார் திலீபன்,உலகின் முதல் ஆட்சியாளரான மனு,போரில் வல்லவனான மந்தத சக்கரவர்த்தி,அஸுர மன்னர்களான மகாபலி சக்கரவர்த்தி,இந்திரனிடம் கூட போரிட்ட வென்ற வியத்திரன்,பிரகலாதன்,ஶம்பரன்,தேவாஸுரர்களின் குருக்கள்,சிருஷ்டி- சம்ஹார  மும்மூர்த்திகள்,முனிசிரேஷ்டர்களான விசுவாமித்திர்ர்,நாரதர்,அக்னி,வாயு, முதலிய பஞ்சபூதங்களின் அதி தேவதைகள், இப்படி சொல்லிக்கொண்டே போகலாம்; ஆயிரகணக்கான  ஜீவன்முக்தர்கள் என்ற கூட்டத்தில் ரிஷிகள், அரசர்கள்,கிரகங்கள், தேவர்கள்,அசுரர்கள், நட்சத்திரங்கள் இப்படி பலவிதமான ஜீவன்களும் உண்டு.

இராமா, புழு பூச்ச்சிகளில் கூட ஜீவன்முக்தர்கள் இருந்திருக்கிறார்கள்; இருக்கிறார்கள்.அதே போல் தேவர்களிடையே முட்டாள்களும் உண்டு.எல்லாவற்றிலும் இருப்பது ஆத்மா ஒன்றே! அது எல்லாவற்றிலும் எப்பொழுதும் எல்லாவிதத்திலும் இருக்கிறது.

ஆத்மா தான் கடவுளும் கடவுள்தன்மையும்.பொருட்களில் வெறுமைமுயுள்ளது; அதற்கு காரண காரியமும் உண்டு.ஒருநேரம் சரியில்லை என்று தோன்றுபவை பிறகு யோசிக்கும் கால் சரியானதாக தோன்றலாம்.உதரணமாக, சிலர் தரும வழியில் வாழ்வது ‘ பாப பயத்தினால’ தான்.’ இல்லாத’ ஒன்று  நம்மை உண்மையை நோக்கி இழுத்து செல்லலாம்.முன் சொன்ன வெறுமையை தியானம் செய்வதால் சத்திய சாக்‌ஷாத்காரம் அடையலாம்.நேரத்தின் மற்றும் காலத்தின் தாக்கத்தால் நாம் ‘ இல்லை’ என்று நினைத்தது ‘இருக்கிறது’ என்று அறியலாகலாம்.அதே போல் மிகவும் சக்தி வாய்ந்தவை என்று நினைத்தவுடன் நொடியிடையில் அழிந்து போவதையும் காணலாம்.ஆகவே,சத்தியத்தை உணர்ந்து, இன்ப- துன்பங்களையும். ஆசாபாசங்களையெல்லாம் விட்டொழி.. !’ஸத் ‘த்தை ‘அஸத் ‘ ஆகவும் ‘அஸத்தை’  ‘ஸத் ‘ ஆகவும் பார்க்கிறார்கள் அஞ்ஞானிகள்.ஆகவே ஆசையும் நிராசையும் கைவிடு.சமன் நிலையை தன் வயமாக்கிக் கொள்.இராமா, இஹலோகத்தில் முக்தி எங்கும் எளிதாக கிடைக்கக் கூடியது தான்.சுய முயற்சியால் நிறைய மனிதர் அவ்வாறு முக்தி அடைந்திருக்கிறார்கள்.
ஆனால் அது எளிதானதா, இல்லையா என்பது சாதகனின் ஞானம், அஞ்ஞானம்( வித்யாவித்யைகள்) என்பவையை பொறுத்திருக்கிறது.. உன் உள்ளிலிருக்கும் ஞான விளக்கை ஏற்றினால் துன்பத்தின் வேரை அறுக்க ஆத்ம தரிசனத்தால் இயலும்.ஜனகரைப்போல் ஆயிரமாயிரம் மனிதர்கள் இன்றும் உலகில் ஜீவன்முக்தர்களாக வாழ்கிறார்கள்.நீயும் அவ்வாறே இப்பொழுதே இங்கேயே முக்தனாவாய், இராமா! 

முற்றிலும் ஆசையற்றவனாக வாழ்வது தான்  முக்தி.அதனாலுளவாகும் மகத்தானது  அமைதி சரீரமிருந்தாலும் இல்லையென்றாலும் நேடமுடியும்.எல்லா சங்கங்களிலிருந்துமுள்ள விடுதலை தான் முக்தி.அது தான் நிர்வாணம்.( நிர்வாணம் என்றால் ஒன்றுமில்லாமலிருப்பது) இந்த நிலையை அடைய ஒருவன் தன் முயற்சிகளையெல்லாம் ஞானத்தின் ஒளியில் அனுஷ்டிக்க வேண்டும்.முயற்சிக்காமல் யாராலும் ஒரடி கூட எடுத்து வைக்கமுடியாது.அதனால், இராமா, நீ ஆன்மீகத்தில் ஒரு படைத்தலைவனைப்போல் முன்னேறிச்செல்.சரியான முயற்சி, மற்றும் சரியான ஆத்ம விசாரம் செய்து பரமமான அந்த சத்தியத்தை சாக்‌ஷாத்கரிப்பாயாக, இராமா! அப்படிப்பட்ட முயற்சி செய்பவனுக்கு. பிரபஞ்சம் முழுவதும் மாட்டின் ஒரு காலடிக்கு சம்மே!
    

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s