யோகவாஸிஷ்டம் என்ற மஹாராமாயணம் 629

Yogavasishtam @ Maharamayanam 629

தினமொரு சுலோகம்

நாள் 629

பிரம்மமே தான் உலகமாக ஒளிர்கிறது


ஸ்வப்ன: ஸ்வப்னோ ஜாக³ராயாமேஷ ஸ்வப்னே து ஜாக³ரா

ஸ்வப்னஸ்து ஜாக³ரைவேதி ஜாக³ரைவ ஸ்தி²தா த்³விதா⁴ (6.2/137/38)


स्वप्न: स्वप्नो जागरायामेष स्वप्ने तु जागरा

स्वप्नस्तु जागरैवेति जागरैव स्थिता द्विधा (6.2/137/38)


svapna: svapno jaagaraayaamesha svapne tu jaagaraa

svapnastu jaagaraiveti jaagaraiva sthitaa dvidhaa (6.2/137/38)



முனிவர் தொடர்ந்தார்:” அந்த கனவுலகிலும் சூரியசந்திரர்களும், மாமலைகளும், சமுத்திரங்களும்,தேவாசுர ஜாதிகளும்,நகரங்களும், காடுகளும், கால கணக்குகளும், திசைகளும், எல்லாமே இருந்தன.அந்த கனவுக் காட்சி உண்மை போல் தோன்றியது.உறக்கத்திலிருந்து விழித்தெழுந்த பிறகு முளைத்த உலகம் அது என்று எனக்கு த் தோன்றியது.

நான் என்னையே கேட்டுக்கொண்டேன்:’ நான் இப்பொழுது உறக்கத்திலில்லையென்றாலும் ஏன் கனவுக்காட்சிகளை காண்கிறேன்?

சிறிது நேரம் யோசித்த பொழுது எனக்கு அதன் காரணம் புரிந்தது.’ கண்டிப்பாக அது போத சத்தில் ஒரு திவ்விய உருவம் தான்! அந்த போதத்தில் என்ன என்ன தோன்றுகின்றதோ, அவையெல்லாம் உலகமாக காணப்படுகிறது’

இந்த போதக் கரு எங்கெல்லாம் தன் சுய உருவத்தை காண்கின்றதோ, அங்கெல்லாம் , அப்பொழுது, உலகம் காணப்படுகிறது. என் போதம் ஆனந்தாவபோதத்தை விட்டு விலகிப் போவதில்லை.’கனவுப் பொருளாக தோன்றுகின்ற உலகம் அனந்தாவபோதத்தில் உருவாகின்ற ஒரு வெறும் கற்பனைத் தோற்றம் மட்டும் தான்’ என்று எனக்கு புரிகிறது.இந்த போதத்தின் ஒளிமயமான வெளிப்படுதல் தான் ஜாக்ரத் உலகம். முழுவதும் பிரித்து பார்க்க முடியாத, ‘ ஒன்றன்றி வேறில்லை’ என்ற ஏகமான பொருள் தான் !

“விழிப்பு நிலையுடன் ஒப்பிட்டு பார்க்கும் பொழுது கனவு என்பது வெறும் கனவு தான்! ஆனால் கனவு நிலையில் கனவு என்பது விழிப்பு நிலையே தான்! அப்பொழுது கனவிற்கும் விழிப்பு நிலை அனுபவத்திற்கும் எந்த வித்தியாசமும் கிடையாது.விழிப்பு நிலை இரண்டு விதத்திலுண்டு.”

.
ஒரு தனிமனிதன் என்பது போதமே தான்.நூற்றுக் கணக்கான உடல்கள் அழிந்தாலும் போதம் அழிவதில்லை.போதம் ஆகாயம்  போல்தான்.ஆனால் அதற்கு குறிப்பிட்ட ‘சரீரம்’ உள்ளது போல் தோற்றமளிக்கிறது.எல்லைகளற்ற ஒன்று பல எல்லைகளுக்குட்பட்ட பொருட்களாக உள்ளேயும் வெளியேயும் இருக்கின்றது என்று கூறலாம்.ஏனென்றால் எண்ணிக்கையிலடங்காத பொருட்கள் அனுபவம் எனும் வெளிச்சத்திற்கு வருவது,அந்த அனந்தாவபோதத்தில் இருந்து கொண்டு தான்.ஜீவன் உள்ளே உள்ள  உலகிற்கு போகும் பொழுது கனவுகள் முளை விடுகின்றது.ஜீவனில் வெளியுலக உணர்வு எழும்பொழுது அது விழிப்பு நிலையாகிறது.ஜீவன் தன் பார்வையை சுய இருப்பை நோக்கி ஒரு முனைப்படுத்தும் பொழுது  கனவு உண்டாகிறது.

இந்த ஜீவன் தான் வெளியில் தெரிந்தாலும் இல்லையென்றாலும் ஆகாயமாகவும், பூமியாகவும், காற்றாகவும் , மலையாகவும்,கடல்களாகவும், மற்றும் இன்ன பலவாகவும் பரந்து கிடக்கின்றது.இந்த சத்தியத்தை அறிவதோடு ஒருவன் வாசனைகள் என்ற மனோபாதிகளிலிருந்து விடுதலை பெற்று விடுகிறான்.

பிறகு நான், ‘ உறக்கம் என்றால் என்ன’ என்று என்னையே கேட்டுக்கொண்டேன்.அதைக் குறித்து விசாரம் செய்ய ஆரம்பித்தேன்.

இந்த பௌதிக பிரபஞ்சத்துடன் எனக்கு என்ன தொடர்புள்ளது? ‘நான் இனி ஓய்வு எடுத்துக்கொள்கிறேன்’ என்று எப்பொழுது ஒருவனுக்கு தோன்றுகிறதோ அப்பொழுது அவன் உறக்கத்திலாழ்கிறான்.உடலில் எப்படி சேதனமும்( மாற்றங்களுக்குட்பட்டதும்) அசேதனமும்( மாற்றங்களுக்குட்படாததும்),( நகம், முடி முதலியன) என்று இரண்டு பிரிவுகளை உள்ளதோ அது போல் உறக்கத்தையும் இரண்டாக பிரித்து பார்க்க முடியும்.

மனதில்,’ நான் அமைதியாக ஓய்வெடுக்கட்டும்’  என்ற எண்ணம் உதயமாகும் பொழுது உறக்கம் வருகிறது.இது ‘ விழிப்பு’ நிலையிலும் உண்டாகலாம்.

அதற்குப் பின் நான் நாலாவது நிலையான ‘ துரீயத்தைக்’ குறித்து விசாரணை செய்ய ஆரம்பித்தேன்.இந்த நிலையில் உலகம் என்னும் காட்சி முற்றிலும் மறைந்து போவது முழுமையான ஒளி உள்ளில் பரவுவதால்த் தான்.

உலகம் உண்மையானதாக இருக்கின்றது. எந்தவொரு பொருளும் மாற்றத்திற்குள்ளாவதில்லை.துரீய நிலை மாற்றமில்லாமல் இருப்பதால்த்தான் விழிப்பு-கனவு- உறக்கம் என்ற அவஸ்தைகளும் மாற்றங்களுக்குட்படாமல் இருந்து கொண்டிருக்கிறது.

 இந்த உலகம் ஒரு பொழுதம் சிருஷ்டிக்கப் பட்டதில்லை; அப்படி சிருஷ்டிக்கப் படுவதற்கான காரணங்களும் கிடையாது’ என்ற அறிவின் முழுமையில், ‘ பிரம்மமே தான் உலகமாக ஒளிர்கிறது’ என்ற பகுத்தறிவின் நிலை தான் துரீயம்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s