Ramanajyothi -Part-2-146

ரமணஜோதி-பகுதி-2-146

உபதேசவுந்தியார்-22

சுலோகம் 17

மனத்தினுருவை மறவா துவாச 

மனமென வொன்றிலை யுந்தீபற

மார்க்கநே ரார்க்கமிது யுந்தீபற

சொற்களின் பொருள்

மனத்தின்—-மனதின்

உருவை—-உருவத்தை

மறவாது—-தவறேதுமில்லாமல், சரியாக

உவாச—   அலசி ஆராய்ந்தால், விசாரத்தறிந்தால்

மனம்——-மனது

ஒன்றிலை— ( அப்படி) ஒன்று இல்லவேயில்லை

மார்க்கம்—–வழி

நேரார்க்கு——எல்லாருக்கும் சரியான

பொருள்சுருக்கம்

மனதின் இயற்கை சொரூபத்தைக் குறித்து ஆழ்ந்து தவறேதும் நிகழாமல் விசாரித்தால், மனமென்று ஒன்று இல்லவேயில்லை என்று தெரிய வரும். இது தான் எல்லோருக்கும் சரியான வழி.

விளக்கவுரை

வெளிச்சம் இல்லாத அந்தி மயக்கும் நேரத்தில், கயிறு பாம்பாகத் தெரியும். விளக்கின் உதவியோடு கூர்ந்து பார்த்தாலோ, பாம்பு காணாமல் போய்விடும் அது போல் அஞ்ஞானத்தின் திரை உண்மை சொரூபத்தை மறைத்திருக்கும் பொழுது மனம் தலை விரித்தாடும்.ஆத்ம விசாரணை எனும் விளக்கின் உதவி கிடைத்து விட்டாலோ, அந்த மனம் காணாமல் போய்விடும். ஆகவே ஆத்ம விசாரணை தான் ‘ உண்மை’யை கண்டறிவதற்கான சரியான வழி என்று சொல்கிறார் பகவான் இந்த சுலோகத்தில்.

இதற்கு முந்தின சுலோகத்தில் பகவான் உபதேசித்தார்,’ மனம் தனது உள்ளொளியில் தன்னையே அடையாளம் கண்டு கொள்கிறது’, என்று. இந்த சுலோகத்தில் பகவான் அப்படி அடையாளம் கண்டு கொள்வது ‘தான் உண்மையிலேயே இருக்கவில்லை. தானாகத் தோன்றியது அந்த ‘உண்மை ‘ நான்’ தான்’ என்று. எப்படி பாம்பு பொய்யானதோ அதே போல் மனதும் பொய்யானது ; இருப்பதெல்லாம் அந்த கயிறு, ஆத்ம சொரூபம் தான் என்று திவீர விசாரணையில் தெரிய வரும். அதற்கு ஆத்ம விசாரணை என்ற விளக்கின் ஒளி வேண்டும். அப்கொழுது அஞ்ஞானம் எனும் இருள் விலகும்.’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s